दॊळ धांपून बशील आम्चिगॆल समुदायांक जाग जातना फाल्ले जावून वता.
हळू हळू भास पल्लट जाता आसा. ह्या खब्बर आयज्चे कालचे न्हंय. पाटलॆ चारशें वरस दाकून सकड प्रांत्यांत कोंकणीचें पल्लट चालू आसा. गॊयांत पॊर्तुगीस आनि मराठि, केनरांत कन्नड आनि तुळु, कॆरळांत मलयाळ, महाराष्ट्रांत मराठि आनि हाच्चे सकडांचे वय्र इंग्लीष भास. शुद्ध कोंकणि म्हणचे खंय आय्कूक मेळता?. ह्या सन्निवॆशार भाशॆक प्रमाणित करचे कश्शि.
शुद्ध कोंकणि शब्दां हर प्रांत्यांत आसा. म्हणून हर प्रांत्यांचे भासय मिश्र जाल्लॆंति. खंचॆय ऎक प्रांत्यांचे भाशॆक प्रमाणित रूप म्हणून मानून व्हरूंक जायना. पाटलॆ वीस वरस दाकून चलून आयिले शैक्षणिक आस्पदान गोयांत कोंकणीक ऎक स्थायि रूप मेळा. जाल्यार हेर प्रांत्यांतलॆ वेगवेगळे कोंकणि उलवपि समुदायांनि गोंयचे कोंकणीक प्रमाणिकृत म्हणून मानून घेतल्यार असंख्य मूल कोंकणि शब्दांचे प्रयॊग लुप्त जावून गोंयचे पॊर्तुगीस प्रॆरित कोंकणि शब्दांचे प्रयॊग चड जातलॆ. हॆ कोंकणीचें मुखार आसचे संदिग्ध.
उधारणॆक श्रवण बेळगोळाचे गॊमटॆश्वर मूर्तिचे पाव्लांचे कोरांतप चावुंडराजॆ करवियलॆ हांतलॆ करवियलॆ रूप गोंयचे कोंकणींत ऊणे आनि कर्नाटक आनि कॆरळ प्रांत्यांत चड आसा.
सकड प्रांत्यांतलॆ सकड जाती, समुदायांचे कोंकणी उलॊवप ध्वनिमुद्रित करचे गरज आसा. मैसूरचे भारतीय भाशा संस्थानान घडन केल्ललॆ लिंग्विस्टिक डाटा कन्सार्टियम आफ़ इंडियन ल्यांग्वॆजस म्हणचे संस्था हर भारतीय भाशॆंचे स्पीच डाटा संग्रह करचे कामांक ग्रांट दिता.
कोंकणी भाशिक भाषा विद्वांसानि हॆ दिकडे थॊडे पळॊवका.
वॆळ सोंपता आसा. कोंकणि पल्लट जाता आसा. वगी करका.
पय्लेच सांगला झांकी म्हणून. आनी तुमि वाचिया, निरातंक!
Wednesday, March 10, 2010
Subscribe to:
Post Comments (Atom)
Blog Design by Gisele Jaquenod
0 comments:
Post a Comment